Дорноговь аймгийн ЛЭОС нь 1997 оны 7-р сарын 19 өдөр бага хурлаараа 35 гишүүнтэйгээр анх байгуулагдаж байсан. Үүсгэн байгуулагчдын эгнээнд Үржинбадам, Оюунчимэг, Саран нарын идэвх санаачилагатай, нийтийн эрх ашгийг дээдэлдэг, зөв бодол, сайхан сэтгэлтэй бүсгүйчүүд нэгдэж, анхны зохицуулагчаараа ХМХА-ны улсын байцаагч Д. Саранг сонгон ажиллуулсан түүхтэй. Удирдах зөвлөлийн 7 гишүүнтэй, Хяналтын зөвлөлийн 3 хүний бүрэлдэхүүнтэйгээр орон нутгийн онцлогтоо тохируулан тодорхой үйл ажиллагаа явуулж байна. Тус салбар зөвлөл нь мэдээллээр тогтмол хангаж, эмэгтэйчүүдийн орлого нэмэгдүүлэх, амьжиргааны түвшинг дээшлүүлэх, бие даасан байдалтай болгоход нь туслах төслийн хөтөлбөрүүдэд оролцдог. Тус салбар нь байгуулагдсан цагаасаа эхлэн “ Шийдвэр гаргах түвшинд эмэгтэйчүүдийн оролцоог нэмэгдүүлэх, тэдний оюуны чадавхи дээр тулгуурлан “Орон нутгийн хөгжилд эмэгтэйчүүдийн оролцоо” гэсэн зорилготойгоор үйл ажиллагаа явуулж байна. Тус салбар зөвлөлийн зохицуулагчаар Д. Саран ажиллаж байна