Тус зөвлөл нь 1995 оны 12 сарын 15-нд байгуулагдсан, 14 суманд салбар зөвлөлтэй, 300 гаруй гишүүдтэй.  Үйл ажиллагаандаа ЛЭОС-ийн дүрмийг мөрдөж, 2 жил тутамд бүгд хурал хийж ажлаа тайлагнадаг. 1996 онд салбар зөвлөл нь УИХ-ыг сонгох сонгуулийн жилд тусгай хөтөлбөр гарган ажиллаж сонгуулийн хууль эмэгтэйчүүдээс нийгэмд эзэлж байгаа байр суурийг олон түмэнд сурталчлан тэргүүний эмэгтэйчүүдийг шийдвэр гаргах түвшинд дээшлүүлэх бодлогыг дэмжсэнээр УИХ-д манай аймгийн 51-р тойрогт ЛЭОС-ийн тэргүүн О.Энхтуяа сонгогдсон.

ЛЭОС нь үйл ажиллагаагаа клубийн журмаар явуулахын хамт сургалт, семинарыг зохион байгуулдаг. Мөн өөрийн гишүүдийг мэргэжлийн болон аль нэг салбарт хамтарч ажиллан судалгаа шинжилгээний ажил хийхэд дэмжлэг үзүүлдэг. Зохицуулагчаар Ж. Дэлгэрмаа ажиллаж байна. 

ЛЭОС-ийн клубүүд:

• Эдийн засагчдын клуб
• Бизнес эмэгтэйчүүдийн клуб
• Гэр бүл ба эмэгтэйчүүдийн клуб
• Урлагийн ажилтны клуб
• Залуу лидер эмэгтэйчүүд клуб

Хэрэгжүүлсэн төслүүд:

•  “Бичил зээлийн” төслийг анх удаа өөрийн аймагт хэрэгжүүлсэн.
• Хөгжлийн бэрхшээлтэй хүүхдүүдийг сэргээн засах, чийрэгжүүлэх чиглэлээр “Урам” төслийг хэрэгжүүлсэн.