Жендэрийн үндэсний хороо нь Шийдвэр гаргах түвшинд эмэгтэйчүүдийн оролцоог нэмэгдүүлэх мандатын ажлын хүрээнд улс төрийн хүрээн дэх жендэрийн тэгш байдлыг хангах чиглэлээр УИХ-ын сонгуулийн тухай хуульд нэмэлт, өөрчлөлт оруулах тухай хуулийн төсөл, Улс төрийн намын тухай хуулийн шинэчилсэн найруулга УИХ-д өргөн мэдүүлсэнтэй холбогдуулан өглөөний цай уулзалтыг хийлээ.
Уулзалтад Либерал эмэгтэйчүүдийн оюуны сангийн тэргүүн доктор Ц. Бүжидмаа оролцов. Уулзатыг нээж УИХ-ын дэд дарга С.Одонтуяа, УИХ дахь эмэгтэйчүүдийн бүлгийн дарга Д.Сарангэрэл нар үг хэллээ.
Тус уулзалтад Европын Холбооны Элчин сайд, Австралийн Холбооны Улсаас Монгол Улсад суугаа Элчин сайд, Канад Улсаас Монгол Улсад суугаа Элчин сайд, Хөгжлийн хөтөлбөрийн Монгол Улс дахь Суурин төлөөлөгчийн газрын Шадар суурин төлөөлөгч, НҮБ-ын Хүүхдийн сангийн Монгол Улс дахь Суурин төлөөлөгчийн Шадар суурин төлөөлөгч, Монгол Улс дахь НҮБ-ын ХАС-ийн Суурин зохицуулагчийн газрын Шадар суурин төлөөлөгч нар тус бүр өөрсдийн сайн туршлага, санал зөвлөмжүүдийг хуваалцав.