Хөтөлбөрийн нээлтийн ажиллагаа 2021 оны 9 сарын 22-нд зохион байгуулагдаж, Монгол Улсын Их Хурлын гишүүн Д.Тогтохсүрэн, Канад улсаас Монгол Улсад суугаа элчин сайд Катрин Ивкофф (цахимаар), НҮБХХ-ийн Суурин төлөөлөгч Илейн Конкиевич, Төрийн албаны зөвлөлийн дарга Б.Баатарзориг, НҮБХХ-ийн төслийн менежер П.Хулангоо нар оролцов.

2021 оны намрын эхний элсэлтэд Нийслэл Улаанбаатар хотын захиргааны байгууллагууд болон яамдын удирдах ажилтан төрийн албан хаагч  18 эмэгтэй  хамрагдан суралцав. Эхний элсэлтийн танхимын сургалтыг 2021 оны 9 сарын 22-24-ны өдрүүдэд,  Нүхт-Корпорейт” амралтын газарт зохион байгуулав.

Сургалтыг “Шинэ зууны манлайлал ба эмэгтэйчүүдийн манлайлал”, “Ажил амьдралын тэнцвэр”, “Карьер төлөвлөлт” “Коучингийн арга барилд суралцах нь” гэсэн 3 сэдвээр  ЛЭОС-ийн Тэргүүн, доктор (Ph.D) Ц.Бүжидмаа, ЛЭОС-ийн Дэд Тэргүүн, доктор (Ph.D)Б.Батхишиг, Монголын  Коучинг Академийн захирал, мэргэжлийн коуч Б.Хишигжаргал нар хөтлөн явууллаа.