2022 оны намрын хоёр дахь элсэлтэд орон нутгийн төрийн захиргааны албан хаагч 19 аймгийн 31 оролцогч шалгарч хөтөлбөрт хамрагдав.  2 дахь элсэлтийн танхимын сургалтыг 2022 оны 9 сарын 6-8-ны өдрүүдэд,  “Red rock” ресорт амралтын газарт зохион байгуулсан.

Сургалтыг “Шинэ зууны манлайлал ба эмэгтэйчүүдийн манлайлал”, “Ажил амьдралын тэнцвэр”, “Карьер төлөвлөлт” “Коучингийн арга барилд суралцах нь” гэсэн 3 сэдвээр  ЛЭОС-ийн Тэргүүн, доктор (Ph.D) Ц.Бүжидмаа, Монголын  Коучинг Академийн захирал, мэргэжлийн коуч Б.Хишигжаргал, ЭЗОС-ийн сургагч багш Ц.Алтанзагас, Г.Дэлгэрсүрэн нар хөтлөн явууллаа.

Сургалтын төгсгөлд ментор, ментий нарын анхны уулзалт боллоо. Уулзалтад Монгол Улсын ХЭҮК- ийн гишүүн доктор Д.Сүнжид, Удирдлагын академийн захирал доктор Д.Сүрэнчимэг, ЗХЖШ-ын сургалт, бэлтгэлийн газрын дарга, Бригадын генерал Г.Болор, Монос группийн үүсгэн байгуулагч СЕО, УИХ-ын гишүүн асан Л.Эрдэнэчимэг нар ментороор оролцож ментий нартайгаа уулзлаа.