Хөтөлбөрийн нээлтийн ажиллагаа 2022 оны 8 сарын 9-нд зохион байгуулагдаж, Төрийн албаны зөвлөлийн дарга Б.Баатарзориг оролцов.
2022 оны намрын эхний элсэлтэд НҮБХХ-ийн дэд төсөл хэрэгжиж байгаа яам, агентлаг болон нийслэл, орон нутгийн төрийн захиргааны 14 байгууллагын 28 эмэгтэй хамрагдан суралцав. Эхний элсэлтийн танхимын сургалтыг 2022 оны 8 сарын 9-11-ны өдрүүдэд, “Red rock” ресорт амралтын газарт зохион байгуулав.
Сургалтыг “Шинэ зууны манлайлал ба эмэгтэйчүүдийн манлайлал”, “Ажил амьдралын тэнцвэр”, “Карьер төлөвлөлт” “Коучингийн арга барилд суралцах нь” гэсэн 3 сэдвээр ЛЭОС-ийн Тэргүүн, доктор (Ph.D) Ц.Бүжидмаа, Монголын Коучинг Академийн захирал, мэргэжлийн коуч Б.Хишигжаргал, ЭЗОС-ийн сургагч багш Ц.Алтанзагас нар хөтлөн явууллаа.
Сургалтын төгсгөлд ментор, ментий нарын анхны уулзалтыг зохион байгууллаа. Уулзалтад Монгол Улсын Их хурлын даргын зөвлөх О.Номинчимэг, Монгол Улсын Төрийн албаны зөвлөлийн гишүүн Ц.Амартөгс, Үндэсний аудитын газрын Хөгжлийн бодлого, төлөвлөлтийн газрын захирал, Тэргүүлэх аудитор Б.Бундхорол менторууд хүрэлцэн ирж оролцлоо.