Өвлийн элсэлтийн ментор, ментий нарын анхны уулзалтыг 2021 оны 12 сарын 24-ний өдөр Төрийн ордонд зохион байгуулж, өвлийн элсэлтийн 32 ментий оролцов.
Ментор, ментий нарын уулзалт нь тэдний хооронд итгэлцэл харилцан ойлголцлыг бий болгож, хөтөлбөрөөс хүсэж буй хүлээлтийг тодорхой болгож, оролцогчдод урам зориг өгсөн халуун дулаан уур амьсгал бүхий уулзалтууд болсон. Энэхүү уулзалт нь оролцогчдын хамгийн дуртай, мартагдашгүй агшин болж үлдэж чадсан юм.
Уулзалтад Монгол Улсын Их хурлын гишүүн Х.Булгантуяа, Монгол Улсын Их хурлын гишүүн Б.Баярсайхан, Монгол Улсын Их хурлын даргын ахлах зөвлөх Ц.Цогзолмаа, Монгол УИХ-ын Тамгын газрын Тэргүүн дэд дарга асан Ц.Цогтсайхан, Гал голомт үндэсний хөдөлгөөний Тэргүүн, Эрүүлийг хамгаалахын гавьяат ажилтан Д.Мөнхөө нар хүрэлцэн ирж ментий нартайгаа уулзлаа.